Blog | Qyteti Muze

Destinacionet turistike Komentara: 0 Jan 23, 2019

Një ndër vendet më atraktive të Kosovës është padyshim Prizreni.

I dyti për nga madhësia dhe numri i banorëve, pas Prishtinës, frekuentohet nga shumë persona, pikërisht për vlerat e trashëgimisë kulturore që ruhen brenda tij.

Ndryshe e quajnë edhe “qyteti muze”, falë pozitës se vet gjeografike dhe ruajtjes së thesareve kulturore gjatë shekujve.

Si fakt, Prizreni na jep kalanë e tij, “Kalaja e Prizrenit” e cila, sipas burimeve historike daton që nga koha e bizantit. Vizita e kësaj kalaje njëheri bashkon stilin e lashtë dhe pamjen fantastike që krijohet nga aty. Veç kësaj, në aspektin ndërtimor arkeologët ndeshën në praninë e tri komplekseve të veçanta të cilat i quajtën qytete: Qyteti i Epërm, Qyteti i poshtëm dhe Qyteti Jugor.

Qyteti i Epërm shtrihet në anën jugore të kalasë, ecila njëheri paraqet pikën më të dobët (duke shikuar nga aspekti i mbrojtjes së saj), për shkak se prej andej më së lehti mund të kryheshin sulmet e kundërshtarëve.
Qyteti i Poshtëm shtrihet në anën veriore të saj ku gjenden edhe depotë e barotit, kazamatet, themelet e një xhamie etj.
Qyteti Jugor shtrihet në pjesën jugperëndimore të kalasë, ku edhe gjendet hyrja kryesore e saj.

Ura e gurit gjendet në qendrën e qytetit të vjetër, përmes të cilës kalon Lumi i Bardhë. Ura lidh drejtpërsëdrejti sheshin Shatërvan (në anën e majtë të lumit) dhe Saraçhanën (në të djathtë të lumit). Burimet historike nuk ofrojnë të dhëna për kohën e saktë të ndërtimit të saj mirëpo në bazë të materialit, stilit, teknikës së ndërtimit, supozohet se ura është ndërtuar ka fundi i shekullit XV, ose në fillim të shekullit XVI.

Kompleksi i Lidhjes Shqiptare të Prizrenit i rrethuar me Lumbardhin, kompleksin e Marashit dhe shpatin e Kalasëi cili gërshetohen objektet e arkitekturës monumentale dhe asaj folklorike. Në këtë kompleks u mbajt Kuvendi themelues me 10 qershor 1878, me pjesëmarjen e përfaqësuesve nga të gjitha trojet shqiptare me ç'rast themelohet Lidhja Shqiptare e Prizrenit. Në të është i hapur muzeu historik me objekte (eksponate) artizanale, veshje të trevave shqiptare, galeri dhe biblotekë.

Xhamia e Sinan Pashës i përket arkitekturës islame, e ndërtuar në vitin 1615 nga Sofi Sinan pasha. Gjendet në qendër të qytetit në Sheshin Shatërvan pranë Lumbardhit. Sa i përket arkitekturës së brendshme dhe dekorimit të saj, është njëra ndër më të bukurat në Ballkan. Karakteristikë e kësaj xhamie janë vizatimet virtuoze të pasuruara me ngjyra dhe kalorit të gjallë.

Kroi i Shatërvanit është qendra dhe simboli i qytetit të Prizrenit, në mës të së cilit gjendet kroni me katër cepa, nga të cilat uji i pijshëm derdhet në pellgun e rrethuar me gurë. Është quajtur edhe Merxhan çarshi. Shatërvani në veri kufizohet me Urën e Gurit, në lindje me xhaminë e Sinan pashës, në jug me kompleksin e Pantelis, në jugperëndim me Qafëpazarin dhe në perëndim me Kujumxhillëkun.

Parku i Qytetit gjindet në pjesën perëndimore të Prizrenit dhe përfshin një hapësirë shumë të madhe e të gjelbëruar. Ka hapsira sportive si dhe lumin i cili kalon afër këtij parku.